---
title: "എൽജിഎസ് പ്രിലിമിനറി പരീക്ഷയിൽ വൻ പിഴവ്; ചോദ്യപേപ്പർ മാറി നൽകിയതോടെ ഉച്ചയിലെ പരീക്ഷ പിഎസ്‌സി റദ്ദാക്കി"
english_title: "PSC Cancels LGS Preliminary Exam Shift in Alappuzha After Question Paper Mix-up"
publisher: "panoornews.in"
canonical_url: "https://panoor.truevisionnews.com/news/373189/PSC Cancels LGS Preliminary Exam Shift in Alappuzha After Question Paper Mix-up"
published_at: "2026-07-18T14:55:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5b5ae6b499f_Untitled-1_copy.jpg"
keywords: []
---

# എൽജിഎസ് പ്രിലിമിനറി പരീക്ഷയിൽ വൻ പിഴവ്; ചോദ്യപേപ്പർ മാറി നൽകിയതോടെ ഉച്ചയിലെ പരീക്ഷ പിഎസ്‌സി റദ്ദാക്കി

> **Lead Summary:** കേരള പിഎസ്‌സി നടത്തുന്ന ലാസ്റ്റ് ഗ്രേഡ് സർവന്റ്സ് പ്രിലിമിനറി പരീക്ഷയിൽ വൻ വീഴ്ച. ചോദ്യപേപ്പർ മാറി നൽകിയതോടെ ഉച്ചക്ക് ശേഷം നടക്കേണ്ടിയിരുന്ന പരീക്ഷ പിഎസ്‌സി റദ്ദാക്കി.

## Article Content

കേരള പിഎസ്‌സി നടത്തുന്ന ലാസ്റ്റ് ഗ്രേഡ് സർവന്റ്സ് പ്രിലിമിനറി പരീക്ഷയിൽ വൻ വീഴ്ച. ചോദ്യപേപ്പർ മാറി നൽകിയതോടെ ഉച്ചക്ക് ശേഷം നടക്കേണ്ടിയിരുന്ന പരീക്ഷ പിഎസ്‌സി റദ്ദാക്കി.

ആലപ്പുഴയിൽ ഇന്ന് നടന്ന പരീക്ഷയിലാണ് സംഭവം. ഉദ്യോഗാർത്ഥികളുടെ എണ്ണം കൂടുതലായതിനാൽ രണ്ട് ഷിഫ്റ്റുകളിലായാണ് വിവിധ സ്ഥാപനങ്ങളിലേക്കുള്ള എൽജിഎസ് പ്രിലിമിനറി പരീക്ഷ നടത്തിയത്.

രാവിലെ നടന്ന പരീക്ഷയ്ക്ക് ഉച്ചക്ക് ശേഷം നടക്കേണ്ട ചോദ്യപേപ്പർ അബദ്ധത്തിൽ നൽകുകയായിരുന്നു. പരീക്ഷ പൂർത്തിയായ ശേഷമാണ് പിഴവ് അധികൃതരുടെ ശ്രദ്ധയിൽപ്പെട്ടത്.

ഇതോടെ ഉച്ചക്ക് ശേഷമുള്ള ഷിഫ്റ്റിലെ പരീക്ഷ റദ്ദാക്കി* പിഎസ്‌സി ഉത്തരവ് പുറപ്പെടുവിച്ചു. പുതിയ തീയതി പിന്നീട് അറിയിക്കുമെന്ന് പിഎസ്‌സി അറിയിച്ചു. ബാധിക്കപ്പെട്ട ഉദ്യോഗാർത്ഥികൾക്ക് പുതിയ പരീക്ഷയിൽ പങ്കെടുക്കാൻ അവസരം നൽകുമെന്നും അധികൃതർ വ്യക്തമാക്കി.

പരീക്ഷാ നടത്തിപ്പിലെ ഈ ഗുരുതര പിഴവ് ഉദ്യോഗാർത്ഥികൾക്കിടയിൽ വലിയ പ്രതിഷേധത്തിന് കാരണമായിട്ടുണ്ട്. മണിക്കൂറുകളോളം കാത്തിരുന്ന് പരീക്ഷാ കേന്ദ്രത്തിലെത്തിയവരാണ് പലരും.

ആസൂത്രണ ബോർഡിലെ നിയമന തട്ടിപ്പിലെ വിവരങ്ങൾ പുറത്തുവരുന്നതിനിടെയാണ് പിഎസ്‌സി പരീക്ഷയിലും ഇത്തരമൊരു വീഴ്ച സംഭവിച്ചിരിക്കുന്നത്. ഇത് പിഎസ്‌സിയുടെ വിശ്വാസ്യതയെ ചോദ്യം ചെയ്യുന്നതായി ഉദ്യോഗാർത്ഥികൾ ആരോപിക്കുന്നു. പിഴവിന് കാരണക്കാരായവർക്കെതിരെ നടപടി വേണമെന്നും അവർ ആവശ്യപ്പെട്ടു.

### Related Links & Sources
- [Original Story Source](https://panoor.truevisionnews.com/news/373189/PSC Cancels LGS Preliminary Exam Shift in Alappuzha After Question Paper Mix-up)